陈百强本月下旬飞星加坡出度“和平音乐会”
在EMI推出最后一张唱片《冬暖》

Danny仔响E记最后一张唱片已经录起晒，碟名叫《冬暖》，好配合依家个天气，而唱片封套设计得好有艺术味道，以黑色做底色，Danny仔张相只係放到好细，以低调手法处理，係Danny仔自言今次係佢最钟意嘅唱片封面设计。

另外，Danny仔将会响十一月二十六、二十七号同谷村新司及赵容弼一齐参加响星加坡举行嘅“和平音乐会”，而Danny仔响二十一号仲先飞往日本会合谷村新司彩排先，然后至一齐飞去星加坡，可见Danny仔係非常重视今次嘅演出呢。

Danny新歌《盼三年》上咗台，呢首改李香兰嘅《三年》，俾Danny旧曲新词翻唱，别有另一番新意。此外，Danny呢只碟完全无快歌，着重抒情及中板节奏，除咗Danny好钟意嘅《爱情道路》外，仲有一首同女和音合唱嘅《爱的伤痕》，感性到痹，不妨留意。

文字录入：陈百彧