玉郎漫画100期陈百强专访
祝玉郎漫画读者，长命百岁，身体强壮。
陈百强
中文名：陈百强
英文名：Danny
籍贯：台山
出生地点：香港
星座：处女座
体重：127磅
身高：5尺8吋半
鞋子尺码：7号
最喜爱的颜色：紫色
最喜爱的食物：生蚝
最讨厌的衣着：扮嘢衣着
最讨厌的食物：油炸食物
最希望去的地方：巴西
曾经旅游过的地方：欧美、日本、东南亚
最喜爱的中外作曲家：Michael Verse
最喜爱的中外电影：异形，长发姑娘
最喜爱的中外歌曲：Greatest Love Of All
最喜爱的中外歌星：徐小凤
黄玉郎：首先多谢Danny仔喺百忙中依然抽时间接受访问，“你”呢份大礼，真是够晒特别，但是既然是一百七庆典，不然益多D读者，大手笔，送多份大礼畀各位老细哩？
陈百强：今日是大喜日子，我点敢逆你意呀，咁啦，我就送出亲笔签名5R特大靓相数百张畀大家，签得几多就送几多，一于签到手软为止！
黄玉郎：有兴趣索取就剪低呢个印花寄黎玉郎机构啦！
黄玉郎：Danny仔的确大手笔，睇来我要买定樽药酒畀你一路签名，一路“卒”双手至得咯！一向以来你都甚少提及你嘅家庭状况同埋童年往事，搅到唔少八卦杂志胡乱猜度，究竟你嘅出身是点，家庭环境有如何呢？请一一讲个明白，唔使等大家乱咁估哩！
陈百强：小弟是家中排行第五，一共有六兄弟姊妹，自小同家人一齐生活，由于家父是钟表商人，生意唔错，所以生活无忧无虑，但是虽然家境不俗，可惜我成日都觉得唔多Happy。
黄玉郎：家庭生活咁鬼安定，又唔忧两餐，应该好开心至啱咯，为乜会唔Happy呢？
陈百强：冇错，虽然兄弟姊妹众多，但是小弟由细到大甚少同他哋埋堆，好多时都是离群独处，各有各玩，加上性格使然，所以童年生活喺好苦闷嘅环境下渡过！
黄玉郎：平日间你斯文淡定，沉默寡言，原来你自小已经养成呢种性格嘅，你话同家人唔是咁夹，咁阁下认为家中各人边位最了解同最锡你呢？
陈百强：妈咪啰，由细到大他都好？我，有关心我，每次做错事畀爹哋有闹有打兼扭耳仔，都是多得妈咪帮我求情，先至免受处罚，好多时有心事由冇人同我分担，我都会同她倾，所以妈咪就是我嘅好知己！
黄玉郎：伯母有几醒喎，做埋你嘅倾诉对象添。过去没个猛星都会有一两件好深刻嘅童年趣事，我谂Danny你都唔会例外，可唔可以讲D趣怪秘闻畀读者听吓呢？
陈百强：等我谂吓先，有嘞，细个个阵小弟生得肥肥白白，十足公仔咁鬼可爱，所以我姑妈特别錫我，見親我例必Mit我面猪仔，重教埋我打麻雀添，由于是麻雀枱上长大，所以九岁已经成为雀林高手，劲哩？
陈百强：黎，各位读者呢幅就是我当年嘅？仔相黎，是？好可爱呢？
黄玉郎：你喺屋企已经唔多出声，而且性格内向，喺学校岂非变成“独行侠”？究竟你嘅学生生活会是点嘅呢？求学期间阁下有冇做过坏学生，例如偷睇、出猫、逃学之类嘅曳嘢呀？
陈百强：唔好睇我唔声唔声，细个阵是曳到吓你一惊架！记得有次上上吓堂，突然觉得闷闷哋想跳飞机，于是举起手话畀阿Sir听取厕所，其实静静？走咗落去操场度跳飞机，后尾重畀阿Sir发现，被降为第二，真是好鬼唔抵！
黄玉郎：又睇唔出Danny仔咁鬼顽皮喎，上上吓堂走去跳飞机都有嘅，真是想做就去做，敢作敢为！间学校有着个咁嘅学生哥，老师们真是激到呕血都似，唔知阁下喺边间学校就读，期间除咗上堂偷懒植物，重有冇一D特别轰动嘅事件发生呢？
陈百强：读小学个阵的确顽皮到先生都写过服字，由小学一直至中学毕业都喺圣保禄男女中学就读，呢间是出晒名嘅名校，师资特别严格，不过D阿Sir同Miss都畀我搅到氹氹转。记得有个作文老师，好中意喺作文堂度瞓觉，于是我同几个同学仔夹计，襯他瞓着觉放D污秽嘢落他个口，特等整蛊他。个傻先生毫无知觉，而家谂番起都笑到几乎碌晒落地！
黄玉郎：？仔多数好玩，又好难怪你嘅！当时年纪轻轻，乜都冇有怕，有冇学人谈吓恋爱呀？个阵个偶像又是影坛边位猛人呢？
陈百强：陈宝珠是也，我小学时期，宝珠姐姐红到发紫，每次有親他主演嘅电晕，我都会以第一时间叫妈咪带埋我去捧场，后尾重参加咗他嘅影迷会添，次次聚会都有我份，而且更忍唔住高呼尖叫，？不時幻想自己他日同他一样咁劲，所以对他更加着迷！嗱！呢幅就是我同宝珠姐姐喺影迷会上嘅合照嘞！
黄玉郎：好多成功歌星都是出身于音乐世家，自小受音乐熏陶，所以细个就对呢方面有兴趣，请问你嘅情况有是点呢？
陈百强：我并非出身乜乜音乐世家，只是妈咪、爹哋钟意唱粤曲，由细听到大，？不时学他哋唱番几句，慢慢开始对音乐产生些少兴趣，及至七八年参加电子琴大赛得到第一名，先至完全投入音乐界！
黄玉郎：听讲你同阿B成家人好熟嘅，你重是他亲戚添，究竟你哋嘅关系如何，大家Friend唔Friend呢？
陈百强：因为我同阿B个妈咪好熟，重过契咗畀B妈添，所以咪顺理成章称为亲戚啰。个阵温拿乐队喺湾仔一D夜总会度唱歌，我？时都有去捧场架，他哋重畀机会我单独试唱，小弟胆敢喺大庭广众高歌，就是当年练番黎架嘞，呢个就是当年阿B同我嘞！…
黄玉郎：喺你众多大碟当中，多首风魔一时嘅佳作都是出自阁下嘅手笔，究竟点解作曲作得咁出色，是咪曾经寻访名师指点呢？
陈百强：绝对冇！可能自己学过电子琴，有D音乐底子，加上灵感好咪作得掂首歌啰。其实我唔识写谱同符号架，所以作曲时剩是靠哼D音出黎，绝对唔是正宗作曲家！
黄玉郎：讲开唱歌呢瓣，你嘅起步过程究竟又是点嘅呢？
陈百强：咁就要想当年嘞，第一次被歌迷认识我喺“香港流行歌曲邀请赛”，好侥幸获选中为第三名，自从个次之后，就注定咗我喺歌坛发展，半生揸住个咪走天涯！
黄玉郎：卒之你成功啦，当时你以边首歌曲参选？参赛期间有冇心惊胆震，担心孭只镬返屋企咁呢？
陈百强：唔惊就假啰，当年鼓起勇气，绞尽脑汁自己作咗几首歌，再请音乐大师重新编排，先作咗只《崎岖之路》去参选，真是估唔到会揾奖架！获奖个刹那简直开心到流出眼泪，真是好想大声咁讲句：“阿妈！我得咗喇！…”
黄玉郎：好多歌星都是透过歌唱比赛而受到赏识，我谂阁下都唔会例外，究竟边位大哥咁有眼光发掘你，一手捧你做歌星呢？
陈百强：唔是大哥，是大姐先啱，她就是吴慧萍嘞！起初她介绍我入去她度唱英文歌，当时因为冇嘢Do，鬼咁彷徨，于是咪应承她啰。后尾我嘅节目出街后，反应唔错，吴大姐就即刻揾我签歌星合约，重有意同我灌录唱片，一手捧红我咁话。
黄玉郎：记得一九七九年，Danny仔嘅首张个人大碟《眼泪为你流》，好似旋风咁横扫香港，唱到街知巷闻，你认为当时点解会咁受欢迎呢吓？……
陈百强：原因好简单，香港一向以来都缺乏学生情人形象嘅歌手，加上适逢暑期，而歌曲内容又能够代表时下年青人心态，几个因素加埋，所以咪受欢迎啰！
黄玉郎：一个初出道嘅小伙子已经有咁好成绩，的确唔简单，本身嘅？质加上后天嘅努力，抵你得到当期时全年中文金曲第二位嘅，个阵有冇D乜感想呀？
陈百强：感想就多啰，首先觉得放弃学业，全心投入歌唱界，是绝对冇选择错误。第二就是从此下定决心，继续不断作多D好歌畀观众欣赏，誓要喺歌坛奠定基业，努力、努力、再努力！
黄玉郎：《眼泪为你流》一曲是你人生嘅转折点，你可以话开创咗青春派歌手嘅路线，迷到D学生哥同靓妹仔冧晒，认真唔简单。你一共推出十一张唱片，喺过去咁多只大碟当中，有边一张是你特别喜欢而因乜情有独钟呢？
陈百强：其实首首歌我都钟意，不过要我拣其中一张嘅话，我就会选择《凝望》嘞，主要原因是呢只唱片嘅意念非常好，唔单只剩是讲男男女女嘅感情，构思相当之新，而且歌唱嘅难度都几高，所以亦大受欢迎！
黄玉郎：十年人事几番新，今日嘅Danny已经唔是唱D少男少女情怀嘅歌，当然，今日嘅Danny已经日趋成熟，作曲比较多元化，不如有机会请你作番两首歌仔畀我得闲？吓哩！
陈百强：咁呀！好喇！不过首先你要唱番两只歌仔畀我听，睇吓你唱到乜嘢“哥厘”，然后作D适合嘅歌畀你先可以唱嘅！
黄玉郎：哎吔！咁就唔好咯！咁肉酸！吖，快乐不知时日过，讲到口水都干添，下期续访陈百强，到时我会爆晒你嘅恋爱史同埋择偶条件，更会将Danny嘅衣着品味同着衫嘅心得一一讲晒畀大家知，各位千祈咪走离喇！拜拜！
陈百强：精彩绝伦嘅上集，大家一定满意啦，下集肯定更劲、更精，到时再见喇！
陈百强：各位睇吓我呢个样，就知下期是坚料喇！唔是咩呀！是咁先！……
公众号推文：
相关文章：1987.8.15玉郎漫画101期-陈百强专访