Idols & Images
Danny & sandy
我叫Gerodine，（唔识读，可以打电话上「New Time 」问吓），今次系第一次同你地见面，我并非圈中人，同D乜歌星乜偶像唔系好熟，所以你千祈咪expect我可以讲歌星嘅消息俾你知，不过，我都好似你地一样，咁锺意行街、买嘢，睇Magazine，又锺意八吓呢样果样，尤其是D歌星D衣着品味，同埋佢地通常去边度买衫，上两星期系个好偶然嘅机会识到New Time总编，佢见我咁八咁多嘢讲，就叫我不如讲吓而家D歌星嘅衣着品味，我谂落，又系几过瘾，于是一口应承，以后系New Time同你地齐齐讲齐齐八。
不过，我有个原则，就系唔会净系踩人，有褒有贬，每次讲一男一女歌手，讲吓值得赞嘅一面，同应该改善嘅一面，够fair啦，希望呢D歌星可以更识避重就轻，着得好睇D，令我地可以尽视听之娱，你话啱唔啱呀！
Danny出晒名贪靓，又够taste，当然同佢咁多事扮靓嘅经验有关啦，不过人有错手，马有失蹄，佢有时都会走火入魔，令我地觉得莫名其妙，唔知佢想转边种image。好似半年前，佢就剪佐个怪模怪样嘅发型，成埋（堆）草咁，不过你可以话佢够青春够cute嘅，不过佢却着佐件浴袍咁阔嘅干湿褛，又加埋条剪咗个大窿嘅Jeans，本来系干湿褛配条普通casual D嘅西裤就OK嘅，可惜呢条Jeans个窿又大过龙，呢种不修篇幅嘅味道同佢上面嘅Gentleman Looking始终用大缆都拉唔埋，令人无所适从。
同样系长褛，Danny着去阿B婚礼果次就好好多嘞，里面着件Yohji Yamamoto 嘅 Jacket，配番条阔西裤，再加埋条不太紧张嘅tie同白恤衫。看上去就顺眼好多，最值得赞嘅系佢嘅银色飞机扣针，好cute，有画龙点睛嘅效果，咁样着法，更能衬托出Danny果种官仔骨骨嘅贵族味道。
而女歌星方面，林忆莲嘅形象系旧年嚟咗个大跃进，令人耳目一新，讲真Sandy最具塑造性嘅系佢个样，好特别又有性格，最头痛嘅就系佢嘅身材，最typical东方人嘅缺点，矮小同Waist至Hip部较粗，脚又较短，所以着衫方面又需要避重就轻，加上佢把头发，太长太大把，通常D Stylist都唔鼓励东方人去整呢个头，一不小心好易变成头重脚轻，好彩Sandy嘅stylist帮佢整得恰到好处，令佢变得好有韵味呢。好cool同感性，有深藏不露嘅幽幽气感，但呢个发型一定要用衣着去配合始见其优点，否则会变得好cheap，好似佢爲青春交响曲十三周年生日Party地表演嘉宾果次咁，就令Geroline睇完即刻跌落地咁滞，佢件Top冇乜唔妥，浅黄色短Jacket都算青春，但系佢条Jeans，Baggy又唔算，tight又唔算，咁嘅石磨灰色裤未免流于低浴，再加埋上面嘅badge，太吸引人嘅注意力集中在佢对粗佐DD嘅脚上，好累聚，同上面完全唔balance，而佢对猄皮boats又咁尖头，一拍埋佢条阔裤度重弊，令人目不忍睹。
而睇番佢再早一排嘅着法，你就明我嘅讲法，果次Sandy将把头发束晒去后面，更见佢嘅瓜子口面，一身灰与绿嘅配合，得体好多，件Top系炭黑樽领Sweater，下身配墨绿松身西裤，再披一件浅灰色嘅T恤，睇落就清秀好多，又加多D书卷气息，配合到佢果种忧郁感性嘅少女形象。
今次就讲住Danny同Sandy两个先，满唔满意我嘅中肯意见呀！无论我讲乜嘢都系个人意见，找些题材感觉讲吓，有弹有赞无伤大雅。
资料提供：極品貓咪
文字录入：lh平安