不知不觉陈百强已经离开我们22年，很多人可能今天会怀念他的一生怀念他的歌等等。
但今天炯叔叔想讲一下陈百强比较少人谈论的一面，就是，陈百强当年其实真是一代潮人icon。
什么叫潮人icon，就是他的fashion sense永远ahead of time。举几个例：
1）发型
响80年代中嘅时候，几乎所有o靓仔D发型唔系”Matchy Cut”, 就系玉置皓二的「一pat头发搭过来留个阴」（中坑们大家回味一下）
呢两种发型就好似而家嘅手机一样，唔系iPhone就系Samsung。但系估唔到当年嘅陈百强居然人做我唔做杀出新血路，响1984年推出唱片《百强 84》时整个Spike up头。That was really jaw-dropping! 今日你睇返转头可能觉得你个发型冇乜野，但系你都要明白当时除咗监趸冇乜人剪到头发咁短嘅。但陈百强呢个Spike up头又真系好型㖞，结果开始带动潮流！
2）Workout
当年除咗呢个Spike up头以外，陈百强又做咗另外一件带领潮流嘅事，就系健身。
不不不，都话唔好用而家嘅眼光睇返以前咯！以前边有通街都系Gyms，通街都系乜乜Fitness物物Fitness架。更重要嘅系以前80年代嘅 男仔系兴瘦嘅（𠮶啲玉树临风型呢，谂起都想呕），同埋以前啲女仔好怕D肌肉发达嘅男仔，所以当时系冇人去健身嘅（除咗古惑仔同孟浪 哈哈哈）。但如果炯叔叔冇记错的话，当年除咗陈百强走去健身之后，莫少聪同许冠杰先后都走去玩健身。
3）两件恤衫一齐着
陈百强1985年推出嘅大碟《深爱着你》唱片封套，佢就将两件恤衫一齐着，当年嘅炯叔叔睇到之后觉得型到爆，之后我就开始着两件恤衫通街行啦。哈哈哈哈
4）粉红色+黑白
80年代初期仲系一个白马王子嘅年代，白恤衫西裤系你会经常见到嘅。但陈百强响1980年就开始穿上紫色同粉红色，简直令当时嘅o靓仔（o靓妹）眼前一亮！
除咗着好多唔同颜色上身外，陈百强响当年系少有嘅Artist够胆用黑白相做封面嘅，仲要系拍到好型好靓，记忆中《突破精选》应该系第一张带领潮流嘅黑白封面！
5）假音
陈百强可以话系当年第一个偶像派唱假音，《涟漪》就系第一只歌，炯叔叔记得当年读紧Form 2，可以成日不断重复重复重复咁听《涟漪》（记得以前我哋听黑胶，系要回针嘅，你话几烦呢）
所以，话陈百强系当年的潮人icon佢真系当之无愧！
永远怀念陈百强。
文章出自炯叔叔个人博客