2012.09.07 香港商业电台《一切从音乐开始》陈百强纪念特辑（生日篇）

主持：余宜发

http://http://www.tudou.com/programs/view/ONvrcZK76yY/

雷霆881,叱咤903,一切从音乐开始–余宜发
时间是九月七号,时间是两点零八分啦吓,喺la 九月七号星期一la 喎,今日系一位我哋好欣赏嘅唱作男歌手陈百强先生嘅生忌呀。喺1958年嘅9月7号出生於香港嘅DANNY陈百强,其实喺80年代嚟讲呢,都系其中譬如好似亚梅姐呀,哥哥呀,亚LAM呀,关正杰呀,徐小凤呀等等嘅歌手呢…其中一位系好重要嘅80年代歌手嚟嘅,须然呢…喺93年嘅时间呢,就离开咗呢个世界啦吓,咁但系呢经过咗咁多年里面呢,其实好多嘅听众朋友耐唔中呢都好想听番下陈百强嘅声音,所以藉住佢今个嘅生忌嘅日子呢,喺今晚呢四个钟头嘅节目里面呢,喺头部份呢会分开两个嘅单元,同大家重温陈百强嘅歌曲嘅,包括呢就首先有呢个纪念特辑嘅创作篇,咁呢头呢个钟头呢我就拣嚟咗一D属於亚DANNY 自己创作比自己唱嘅歌曲,嗱..呢一样嘢呢亦都系我哋稍后时间嘅主题嚟嘅,嗱我哋经常都讲唱作歌手啦吓,咁唱作歌手除咗会创作比自己之外呢,亦都创作比别人嘅歌曲,但今个晚上呢我就想只系播唱作歌手创作比自己嘅歌曲,咁大家可以一路听住陈百强嘅纪念特辑之外呢,就可以谂吓有乜嘢唱作嘅歌手,佢哋唱作比自己嘅作品而你又想听嘅,可以上881903.com嘅留言板, 又或者余宜发微博,发仔大家庭FACEBOOK。讲到陈百强呢,即系我自己呢最深刻印像呢,我都曾经攞过佢一张嘅唱片啦吓,“再见Josephine”呢一张嘅唱片呢,系我最深刻印像对於Danny嘅歌GAR,因为嗰个年代我系由嗰张碟开始听,跟住之后呢就爱上咗呢张唱片啦,咁呀因为里面每一首歌都经历住或者系喺我嘅生活上面啦当然,一D记录嚟嘅,咁之后呢我就去听番佢以前嘅一D作品呀,买番佢以前一D嘅唱片呀,咁到近年当然啦大家就可以收到,即系买到呢好多陈百强嘅精选碟呀又或者复黑嘅CD啦,都可以拥有番佢以前嘅声音嘞,咁讲到陈百强嘅呢位唱作歌手呢,其实喺佢初出道嘅时间啦1979年嘅时候呢,加入唱片公司,就已经推出佢自己嘅创作Gar喇,包括有以下呢一首呢,就令到佢一炮而红嘅
《眼泪为你流》
记唔记得呢一张嘅唱片封套呀,陈百强系揸住个白色嘅电话呢,喺度有少少忧郁咁样揸住电话喺度倾计,系咪就等如眼泪为你流嗰种嘅感觉
喺佢嘅首张唱片1979年首次推出嘅时间啦,系一张有英文歌啦,同埋有广东作品嘅唱片嚟嘅,啱啱呢首眼泪为你流,就系佢嘅创作,系曲方面呀吓,而以下呢首英文歌呢,就系佢曲词包办嘅创作 – First Love
《First Love》
如果讲到大家好深刻印象嘅陈百强唱片之一呢,我谂会系1981年呢张“几分钟的约会”嘅唱片呀吓,需然呢首歌呢就唔系佢嘅创作,所以我拣嚟另一首系佢创作,呢张碟出现嘅歌曲,因为今晚系歌手嘅唱作夜
《快乐丑小鸭》
喺81年呢,陈百强喺一年之内系推出咗有两张唱片嘅,分别系“几分钟的约会”仲有“失业生”(太阳花)当然呢首歌都系佢嘅创作嚟嘅
《太阳花》
好好听呀!
《我爱白云》
拥有呢D歌又或者呢个晚上同大家听呢嘅作品呢,一定有好多唔同嘅选择,呀我呢个钟头所选择嘅都系属於陈百强嘅歌曲嚟嘅,听过有我爱白云同之前嘅太阳花,大众学生哥形象嘅佢,有呢首纪念册
《纪念册》

翻译：百度陈百强贴吧：永恒的danny