游 日 本 险 被 拉 进 差 馆
陈 百 强 怒 目 吓 退 警 伯
看透世情对谣言置若罔闻
菲仔
陈百强的再出现，身边多了一个新请的助手Jimmy，与他衣着相若，甚至乎那个花旗装发型亦一式一样。
如果Jimmy不是比陈百强矮了一小截，离远去望可教人难以弄清楚谁个才是我们心爱的丹尼仔呢！
「系呢，好多人都话我哋似样。究竟系咪真系咁似？」
这个问题我们或许可以不大理会，我反而有兴趣知道陈百强转了这个新发型，把满头搽得「立立令」。
「你唔知咩？呢个叫『麦基装』吖嘛！睇粤语长片都见过啦，麦基都唔知几有型，又叻仔喎，连林凤咁靓女都比佢「泵」到。」
我觉得他解释得好好笑：「咁即系话你唔再做乖仔，要亦正亦邪呢？」
「都唔可以咁讲嘅，起码变吓都无衰啫，唔一定要成日做正派嘅。」
陈百强摆出一副爱理不理的样子，就好像向天下宣布：你们喜欢我的话固然是好事，要不便闭上眼睛好了。
或者香港的观众把他宠坏到极点，但陈百强可不心足，随口便说：「呢点我知道，不过D日本人就一D都唔锡我啦！」
险被关进差馆
原来陈百强刚刚由日本回来，期间差点被人拉上警署，险象环生。
「你知我哋香港人一向直行直过，甚至唔睇红灯，绿灯，只要无车就过马路个种吖嘛。点知日本嗰边啱啱搞紧D安全运动，一见我横冲直撞咪截住我囖，又问我系边个？有无身份证？有无护照？」
横冲直撞被盘查
当时陈百强是由酒店出来，准备去隔离街冲凉一番，万料不到会有此一着，遭当地的**盘问。
「我咪同佢哋讲我系游客，因为准备去冲凉，乜嘢都无带响身，如果有需要嘅话，最多我咪返酒店攞比佢哋哋囖。」
但对方那种谨慎法，再三向他问长问短，令陈百强开始闷起来，心想罚钱事少，如果还是拉上警署问话，不是烦极吗？！于是他开始给眼神对方看，这一招果然行得通，把他们闷得要命，便不再问下去，还叫陈百强走啦！
「早知搞成咁，唔去好过囖，系吗Danny仔？」
他摇着头：「又唔可以咁讲，我去日本主要系休息，事关先排有太多太多新闻，令到我唔开心。」
传死讯一笑置之
其中最过分的一宗，是指陈百强因为XX病而死了，这件事令他痛恨到极点。
「我觉得用『死』嚟做新闻，实在太过分，亦都好无道德，完全无顾虑到人家嘅感受。传出消息嗰一晚，我啱啱同朋友响Disco跳紧舞，你话系咪荒谬？！」
他又说：「不过我都化囖，连阿SAM嗰人咁好，一样有人传佢乜，传佢物，所以呢D嘢根本无得避。」
「咁你有无打算追究？」
「唔会，有乜好追究啫。毫无疑问嗰阵我的确好烦，唔明D人点解咁讲我。好彩，我捱咗七个月，对样样嘢谂通晒，甚至对人生嘅睇法都唔同咗。」
这个功劳，就得归功于两个人——
「其中一个系我医生啦，我有乜嘢都同佢讲，等去分析比我听，开解我。另外咪系Jimmy囖，虽然佢系我新请助手，不过其实我同佢好朋友嘅，Jimmy份人好乐观，佢教我要坚强D做人，唔可以比人睇死。」
其实对陈百强好的还大有人在，只不过他平日完全疏忽了这班人的存在，硬要想一些令自己不快的事吧了！
「或者我以前嘅谂法真系有D唔啱啦。我仲记得有一日朝早起身，突然间发觉自己好傻，因为原来真系有好多人对我好好，好关心我。」
陈百强说身边的好朋友的确不少，就算讲到真正烦心事的知己亦都有几个，已经不俗了。所以他绝对不再有任何奢望了，甚至庆幸上天对自己格外看待。但在事业上，陈百强不得不承认八五年他的确走了少少下坡路，一时间似乎连梅艳芳、张学友、吕方也要比他超前，这种滋味实在不好受。究竟陈百强有否想出一些良方，要自己再次跳出来，令人眼前一亮呢？
「会，我当然信得过自己会再跳翻出嚟啦，只要努力做好应该要做嘅嘢，观众一定接受的，我唔信自己一世都系咁架噃。」
他亦强调新人辈出其实是一个好现象，起码证明有竞争，然后才有进步，所以他绝对不怕那些新人，甚至有一番说话要忠告他们。
「我想通佢哋讲，如果你要做一个歌手，一定要承受到成功之后嗰种压力。或者唔系人人都做得到，但呢点就一定要做，否则你会好痛苦，比嗰种压力困死。」
我想，这一点或多或少会是陈百强的写照，不然他也不会有如此深刻感受，感慨良多。
「呢D都过去嘞，无谓再去讲。我反而依家有嗰大计，是我一直嘅梦想，想咗好多年架啦！」
他说：希望利用自己晓得唱英文歌的本钱，以第一个东方人的身份打入国际歌手行列，甚至乎有一日会在格美当中出现，成为其中的一个坐上客……
陈百强有这个理想，是好是坏？由他分辨好了。
靓照1下方文字：
陈百强要努力打入国际市场。
靓照2下方文字：
陈百强游日本竟然成了“历险记”。
资料提供：極品貓咪
文字录入：小鬼 （百度貼吧ID）