本文作者：练海棠
黑咗咁耐，都好应该改变吓。
记不清楚黑色是什么时候开始流行的，只记得小时候过年过节，去饮开PARTY，生日聚会，穿黑色都是大忌，当然，在这些喜庆场合，未必一定要穿红着绿，但只要一碰上黑色，母亲便会用我仿佛犯了弥天大罪的口吻跟我说：「大吉利是咩，去饮着到好似出丧咁。嗱，快D换过件衫，着过件橙红色外套啦。」
所以，印象中小时候的新年、饮宴，或大小喜庆，总是七彩艳丽，万紫千红，气氛浓郁。
然后，忘了是哪一年的圣诞，姊姊不知从什么地方弄来了一袭全黑色，胸前捆了花边的直身裙，准备穿去参加男朋友的PARTY。她穿起裙子，衬上黑色跳舞鞋，涂上热辣辣的口红，我得承认，姊姊真是个美人儿，虽然我那时还未看惯这样子由头到尾黑沉沉的打扮。
但对母亲来说，这却是个石破天惊的行为。当姊姊正想踏出大门时候，母亲便说：「睇吓你似乜，黑吗吗，成个寡妇咁，今晚话晒都系耶稣诞，点都要着得似样D，我上次买俾你个条红色裙咪几好睇？」
但姊姊始终是家中长女，习惯了独断独行，她说了一句：「而家兴嘛！」便不顾而去。
这，对我来说，是革命的开始。
自此之后，黑色边仿佛流行症一般，渐渐蔓延到城市每个角落，除了人们的打扮外，连BOUTIQUE，COFFEE SHOP，大小ACCESSORIES，都纷纷披上黑色外衣。去饮着黑色不再是禁忌，连拜年，生日请客，都完全没有所谓。姊姊讲得好啱，黑色真系好兴。
时为八〇年代初期。
屈指一算，黑色真是风光了不少日子，整个八〇年代几乎都是它的天下。
对日本设计师来说，黑色更加得宠，只需翻看近五、六年的流行通信便知它究竟如何深入民心，无处不在，流行得近乎泛滥。YOHJI YAMAMOTO，COMME DES GARCONS，ISSEY MIYAKE，BIGI，MATSUDA，个个都是黑的信徒。
在香港来说，黑色也可以在以下的人或地身上找到最贴切的MANIFESTATION：刘天兰十年如一日由头黑到尾，连唱片公司都叫黑白，HEADQUARTERS众兄弟的黑色制服，一间摆明车马叫BLACK SHOP的铺头，陈百强半年前的室内设计……
“BLACK IS THE DESIGN CLICHÉ WHOSE TIME HAS SURELY RUN OUT”。四月份的THE FACE如是说，其实这个现象几季前已经开始。欧洲旧年开始流行玫瑰花，到现今还意犹未尽，而黑色则渐渐FADE OUT，最近法国名牌新贵CHRISTIAN LACROIX的COLLECTIONS更加彻头彻尾强调FLORAL PRINTS。
八零年代末期，肯定是百家争鸣的时期。要花有花（CHRISTIAN LACROIX，GENNY，KRIZIA，SONIA RYKIEL），要继续黑色也无妨（COMME DES GARCONS，YOHJI YAMAMOTO）。
对于黑色城中各人一件不一，以下是他们的对话：
BEN LEE
点会冇黑色呀？黑同白咁BASIC，一定唔会冇嘅，问题只系几多同少。不过，大势所趋，COLOR会慢慢返嚟。我自己？一向都着D好BASIC嘅颜色，杏色、KHAKI、蓝色，甚少全身都黑色。不过，我觉得中国人着黑色衫都几好睇，因为黑头发黑眼珠嘛！
张叔平
其实乜嘢颜色都冇所谓，最紧要睇吓用系边。我着衫同做嘢都冇乜点理潮流兴D乜，都系着D深蓝、CREAM、黑色，KHAKI啦、屋企？深咖色，同木颜色啰。黑色系咪冇咁兴？好似系卦。
刘天兰
有个风水佬话我越黑越好，但又有另一个叫我唔好咁多黑，都唔知信得边个。我一向习惯冬天由头黑到落尾，夏天就NATURAL COLOR，白，KHAKI、奶、LIGHT BROWN。至于今年冬天，我会减D黑，加D BROWN、枣红、蓝，同埋睇吓有乜嘢AVAILABLE。不过，我始终唔会放弃黑色，中国人黑头发，好啱衬黑色。我屋企都系黑家私，白墙同埋啡色地板，唔通年年换家私咩？
GRACE YU
黑色其实唔系唔兴，只不过唔系好似以前咁单调，黑就黑，白就白。黑色一样会存在，不过会夹系D花，或者其他颜色里面。但系无论点，我都系最钟意黑色㗎，以前连夏天都全身黑色。今年会夹D PASTEL 和FLORAL。
陈冠中
冇咗黑色，后果会好DISASTROUS！我一向都着黑色或者灰色，一旦冇咗黑色，你话点搅得掂？
LOUIS NG
黑同白系BASIC COLORS，点都唔会唔兴嘅。我好PRACTICAL，一年最好买一次衫就算，免得烦，所以都系买D容易衬嘅颜色。其实只要用得适当，乜嘢颜色都系好嘅。做人无需咁执着，就好似追女仔咁，CASUAL D咪得嘅。
陈百强
黑色系永远嘅。真正钟意黑色嘅人唔会跟潮流，由细开始已经钟意，亦唔会变心。除咗黑同白，紫色系我嘅SECOND FAVORITE COLOUR。另外，我最钟意净色，好似深宝蓝，米同灰。我屋企改咗装修已经有几个月，而家系灰同白。
ALONE CHAN
我一样会以黑色为主，衬D FLORAL PRINT，怀旧PRINT，花呔，一D大红大绿嘅ACCESSORIES、SUBTLE得嘅又要有SHOCKING效果。
文字录入：ttdxun