陈百强新唱片下月初推出
月中往日本拍个人特辑
Danny仔新唱片已定下月初推出，今次新大碟快歌、慢歌各占一半，而Danny仔加盟WEA之初，曾表示希望唱好D快歌，果然精心泡制咗只《Hot Night》，依家已经力谷紧，睇吓可唔可以跑出嚟？
至於有无新形象？Danny仔话都係惯例啦，同以前无乜变，而唱片封套则以黑白色为主，都係一种新尝试。
Danny仔唱歌事业响今年踏入十周年，十月响红磡香港体育馆举行十周年演唱会之前，Danny仔亦会先响八月飞去澳洲开十周年演唱会，日期为八号同九号两日喺雪梨达铃港雪梨会议展览中心举行，而演唱会则名为陈百强《感情到老》十周年演唱会，Danny仔仲係第一个华人响当地演出呢，票价最高达六十元澳币。
继Leslie、甄妮、罗文拍特辑外，Danny仔交将於六月中去日本拍个人特辑，此行约去一个星期左右。
文字录入：陈百彧
资料馆相关文章：