陳百強改變人生觀
只拍散拖未想結婚
陳百強一向沉默寡言，最近，突然發覺他變了許多，做人爽朗了，說話也比以前多了。
「丹尼仔，你有冇發覺最近好似變左好多呢？」「有，我發覺我好多嘢都諗通左，做人亦開心左好多。」「係乜嘢令你有咁大轉變?」「可能係信咗觀音之後，我好似一切都充實左，唔再爲一啲無謂嘅閒言同謠言所困擾。」｢對感情問題又點睇呢？」「總之唔駛急，命裡有時終需有，我好信命運㗎，睇相先生話我三十歲先至會結婚，將來仲有兩個仔添，呢啲係六七年後嘅事，而家我唔駛急。」「先排你唔係同個混血靚女拖手仔嘅咩？」月前，陳百強會讓他的意大利、埃及混血女友亮相，兩人表現得非常親密。
「拍吓散拖唧。」陳百強接著又說：「同鬼妹拍拖最好，你唔管佢，佢唔管你，各人有各人嘅朋友，喜歡嘅時間响埋一齊。大家唔駛彼此牽腸掛肚。」「咁你而家唔係幾好，平日可以集中精神去工作，鐘意嘅時候，又可以拍吓散拖，享受愛情，事業同愛情兩者兼具。」「係呀，所以我可以去做我鐘意做嘅嘢，我認爲不在乎天長地久，只在乎曾經擁有係好啱嘅。」
资料提供：極猫
文字录入和校对：飞飞、挚爱百强陈