陳百強到赌城——大西洋城登台，此次外出登台所拣的时间是圣诞节，故此，他工作辛苦之余，亦趁此机会好好享受一个异国节日。
图片
「我而家放开自己好多囉，以前，我去走埠登台，都好怕走出酒店大门，因怕俾歌迷缠住，不得其正咁会好冇瘾。依家我已谂通佐喇，大家只不过欢迎我，先至会反应得咁热情啫，自此，我去边一度登台，都会抽出时间响个便玩番一日或半日，好过响酒店困住；睇住外边风景唔去咁笨。」丹尼说。
过往，丹尼有一种颇似自闭症的毛病，对于公开场合，总是避得就避，究其原因，因早年他太活跃，流连的士高跟朋友狂玩，久而久之便觉得没啥意思。
「或者，玩得多就厌啦，又或者睇到自己若再咁落去，咁不但会浪费生命，对自己拥有嘅嘢，会有啲唔公平。」
「今次去到大西洋登台，听闻你见到眼底中靓女李美凤啊！」
「係吖，几好彩，我哋仲一齐食饭！」
「两个人响外边叹圣诞大餐，正吖！」
「我几时话过两个人单独食饭呀？我哋只係一齐食饭，嗰阵，仲有刘德华，吴婉芳，唐丽球响埋一齐㗎，千祈唔好乱写，讲我哋单独约会至好。」
原来，今年圣诞节到大西洋城登台的艺人不少，像先前提到的还有森森、罗铭伟一组，又有刘美君，陈德彰一班，大家在那边碰上，可真够乐了。
「今次我去大西洋城登台，都算运气不错。」
丹尼说，他和一班工作人员先到拉斯维加斯演出一晚，即飞过大西洋城演出廿四至廿六号三日四埸。
「个间巴里赌场酒店，係陈超武响八七年俾美国政府要求查嘅一间，到八八年底証明佐冇事，于是揾我去登台，个度嘅场，可以坐成千人，亦得嗰边华侨俾面，三日四场都告爆棚，冇令老板失望。」
另外，最叫丹尼认爲好彩的趁这次登台之便，他特别入赌场玩玩，倒也有趣。
「初时，我认真黑仔，玩乜输乜，输成几百蚊美金，跟住仲黑仔到连银包都唔见埋，当时都唔知係跌佐吖，定俾人扒咗，个心闷到谂住返上房训觉好过，吓，突然有个警卫走埋嚟，话同我执到个银包，因为里面有我证件，又知我系响个间酒店唱歌，所以能够即刻送番俾我，叫我签收番，由嗰阵开始我转咗运，玩乜赢乜，倒赢赌场百几二百蚊美金添噃！」
丹尼自然开心自己运程转好，毕竟，人行起运来做甚么也会格外顺手的。
文·伊仁
资料提供：极品猫咪
文字录入：lh平安