资料扫描：Facebook 马高
C11大企划
「長夜空虚使我懷舊事 明月朗相對念母親 父母親愛心柔善像碧月 懷念怎不悲莫禁 親恩應該報 應該惜取孝道 唯獨我離別無法慰親旁 輕彈曲韻夢中送」
陳百強《念親恩》
93年10月25日。在醫院昏迷了一年半的陳百強(Danny)與世長辭，結束璀璨短暫的紫色人生，劬勞未報！轉眼20年，白頭人送黑頭人的陳爸爸（陳鹏飛）已届鮐背之年，很多前塵往事都忘掉，但忘不了Danny的歌聲：「佢支支歌都好好聽，𠵱家啲人唱得唔及佢。」
■90高齡的陳爸爸老當益壯跟陳哥哥提起Danny往事欷歔不已。
攝影：陳志嵐
撰文：余燕儀
想你陳百強
佢演唱會，嗰時演唱人少，𠵱家雖然多咗好多人，但我都係鍾意聽佢嘅歌，《偏偏喜歡你》、《一生何求》，真係好嘢。」
提到當年Danny昏迷入院，陳爸爸說：「我時時上去睇佢，但佢喺邊間醫院、點様昏迷我都唔記得囉。」陳哥哥對爸爸說：「食藥飲酒。」陳爸爸輕嘆：「好可惜！佢30幾歲之嘛，真係好遺憾，咁細年紀唔喺度，如果喺度𠵱家 唱歌幾好呢，佢演唱我去聽吓，真係驕傲囉，香港出名演唱地方係乜？」陳哥哥答：「紅馆。」陳爸爸搖頭說：「唉！真係好多唔記得，年紀大，唔好意思！」是否仍記得Danny的樣子？陳爸爸指着相片说：「記得，佢啲相喺度。」
陳百靈是Danny的異母哥哥，他回憶舊事說：「嗰時佢成日嚟錶行陪爸爸上陸羽飲茶，佢好孝順，我哋雖然為人内斂易抑鬱
陳哥哥指當年接到醫院和Danny經理人陳家瑛電話，才知道發生這件不幸事，他說：「真係好愕然，佢哋話Danny唔記得自己食咗藥，飲咗酒上腦昏迷，屋企人成日輪流上去睇佢，試吓
同傾偈，有啲大師話自己好叻自動请纓醫佢，但變咗植物人好難醒番！佢走嘅時候様子變化唔大，只係有得郁，肥咗啲，五官冇乜走樣。」
有傳Danny的生母因欠債而離開香港，陳哥哥指她現身在内地，跟爸爸離異後已很少聯絡，他說∶「Danny生前同媽咪好多嘢講，佢媽咪比較了解佢。」
陳哥哥還大讚歌迷非常好，他說：「Danny忌辰、爸爸生日，歌迷都會请爸爸飲茶，又幫Danny搞好多聚會，
好難得20年仲咁長情，真係要讚。」
生平
一生何求
「情歌王子」陳百強是第一代偶像派唱作歌手，他標誌着80年代粤語流行曲的輝煌史，那年代聽歌的，有誰不識他？Danny於1958年生於香港，自小受父親薰陶而醉心音樂，又憑帥氣外形及風度翩翩的氣質，成為學校風頭躉。70年代末，Danny先後参加無綫的流行歌曲創作歌曲邀请賽、山葉電子琴大賽並奪獎项：79年正式簽約EMI,展開歌唱生涯。
Danny的歌聲未必最好，但總有種獨特的脱俗味，連歌迷都像感染到他的貴氣。首張個人專輯《眼淚為你流》一炮而紅，之後轉投華納推出的《幾分鐘的約會》、《有了你》、《傾訴》及《偏偏喜歡你》等全錄得白金成績，亦是樂壇頒獎禮的常客。
超級完美主義者Danny對自己要求很高，亦時刻與人比較，難免鑽進牛角尖，要借助酒精麻醉。縱然身邊有很多圈中朋友如鍾楚紅、周潤發、梅艷芳和鍾鎮濤等愛錫他，但始終無法開解他。
92年5月18日，Danny被發現於寓所昏迷，送院搶救，留院17個月後離世，結束了短暫但璀璨的35年人生，並留下《念親恩》、《漣漪》等永恒曲目。
撰文：馮國康
難忘你的十件事
陳百強是品味的代名詞，他喜歡的一草一木，也别有一番韻味。
偶像
9歲Danny参加了陳寶珠影迷會，最愛她唱《女殺手》。許冠傑也是他的偶像。
電子琴
除精通鋼琴，也彈得一手好電子琴，78年参加全港山葉電子琴大賽奪冠後入行。
翁靜晶
80年因電影《喝采》被塑造成影壇金童玉女，翁靜晶曾說《漣漪》是Danny寫給她的。
紫色
憂鬱的紫色是屬於Danny的，楊千嬅之所以鍾情紫色，都因為他。
打牌
Danny是陳潔靈的雀友，有次陳母觀戰，問Danny叫甚麼（牌），他竟答：「我叫陳百強！」
地下鐵
「地下鐵邂逅它」那醒目的粉藍、粉紅色地下鐵小童车票就是由Danny宣傳的！
冬天
Danny喜歡冬天，只有大褸長衣才符合其官仔骨骨形象。小美曾填了一首《冬戀》給他，意境絕配。
看書
讀書時成績很好，他的床頭擺放幾本書，尤以英文書為主，睡前一定看。
完美主義
Danny是完美主義者亦渴望得到別人讚賞，尤其是父親，故曾在節目表演父親最愛的粤曲。
錄音
也许是Danny的獨有行徑，就是錄音邊隊白蘭地，因為他覺得這樣才有feel
二〇一三年十月二十四日 星期四 夏曆癸巳年九月二十日
眼淚為你流
明日是陳百强逝世20周年的日子，才華橫溢的他於35歲已撒手人寰，生前曾跟他並肩作戰的夥伴、好友和歌迷至今念念不忘，眼淚在心裹流！
陳家瑛（經理人）：
佢太敏感，如果佢活喺世上咁唔開心，可能輪迴快樂得多！後期作曲上有難度，靈感冇以前咁快，最後隻碟生產過程幾難，加上臨走前四大天王起緊，覺得有壓力。當年用盡辦法開解佢，可惜結局事與願違，其實佢好識為人着想，朋友有難會幫，好錫媽咪又用心工作，不過佢處女座要求完美，記得有次佢撞車四腳朝天，個個擔心有事，但佢爬出車後，第一件事係睇吓衫有冇爛。第一次同合作做騷，嗰時紅館起好冇耐，搭台打風漏水，地下水浸觀眾席濕晒，點知佢好鎮定，好温文爾雅處理問题。反而遇到唔喜歡做嘅事，Danny會發脾氣，佢唔鍾意會提高聲浪，藝術家脾氣，逼佢交歌宣傳都唔鍾意，我成日俾激親，問可唔可以做多？佢會話有冇搞錯。
袁潔瑩（老蘭蒲友）：
未入行已經係佢fans,鍾意佢啲歌同外形，覺得佢好有才華，官仔骨骨好有修好有書卷味。嗰時得13歲未拍拖，Danny係我幻想戀受對象。入行後記者知道我钟意佢，拉我同佢合照，我震到貓王咁，嗰時我成日去DD望佢，佢好享受一個人對住塊鏡跳舞。
因為以前男友（徐日勤）同熟，19歲生日佢哋畀驚飯魚波鞋，一齊舉高腳，佢全身可能貴得好緊要，但就有對十蚊嘅白飯魚如果
蘇永康（忠实粉絲）：
入行後知道成日唔開心，一個人去disco跳舞飲酒，最記得林慕德因回教徒身份，結婚冇酒飲，嗰晚我同Danny一，佢發現冇酒飲就落便利店買氈酒叫我陪佢飲，我飲一啖塊面通紅老尷到痹，佢仲一直劈緊，隔兩日餐廳撞到佢，我行埋去打招呼，佢好似唔識我咁冇反應。第二次喺廣東道disco,我坐到打烊離開，見到又飲到醉晒，求DJ播多首歌畀跳舞，我用毛巾幫抹面，佢問我毛巾乾唔乾淨？自己攞把扇出嚟撥。我打畀梅姐（梅艳芳）求救，梅姐叫我帶Danny去搵佢，行到一半唔見佢，佢標出馬路跳舞！當時我諗係咪哥哥（張國荣）崛起令心理唔平衡？𠵱家自己47歲理解到，用萬劫不復方法麻醉自己，我喺身上學到藝人最重要控制EQ,否則好大鑊。
黄柏高（公司同事）：
Danny係我恩人，佢畀機會我參與錄音製作，畀機會我處理《漣漪》呢隻碟。佢畀我最大啟發，原來錄音时掌握唔到感情，要飲一兩pack白蘭地至唱歌，係引導我飲酒。佢酒量唔好，但锺意飲，早30幾年前已經識品嚐香檳嘅潮人，佢重返華纳最失意嘅時候，成日麻醉自己去DD飲酒，我都有陪佢希望開解佢，嗰時佢樣様都要求高，所以鬱鬱不歡。
陳潔靈（麻雀腳）：
雖然我同張國榮係好朋友，但同Danny都好熟。其實Danny同張國榮一様，將自己逼到去角落，出唔番嚟，佢哋兩個都過唔到呢一關。Danny有啲野冇得勸，佢係因為放縱，盛氣青年，當時佢得30幾歲，就算你點話畀佢聽，點様勸解佢，佢都聽唔入耳，所以我唔會勸佢囉，有啲嘢係經驗，要自己去面對，可惜佢解决唔到。
鄭國江（填詞拍檔）：
我幫Danny寫過好多歌，《眼淚為你流》·《等》·《相思河畔》、《偏偏喜歡你》、《漣漪》。佢係好可爱嘅男孩子，要求好高，好似錄《等》，佢話「苦困」發音唔好聽，自己改咗做「哀困」，佢有好多意見擺歌裏面，自己最深刻印象同佢写第一首歌《眼淚為你流》，佢天生嗓子好有感情，而《相思河畔》係我為佢度身訂做，覺得好啱佢畀人嘅感覺。
編輯：莊苗菁 美術：馮志龙