本文作者：阿嫣
去年是新人及乐队组合最蓬勃的一年，其中要以RAIDAS的发展最好，他们很在观众缘。有次碰上丹尼仔，他口边哼着的正是RAIDAS的歌。
笔者问他：「乜唔系唱忆莲首『早晨』嘅？」
曾经有一段时期，丹尼仔人前人后都称赞林忆莲的「早晨」好听，对它情有独钟，讲过每日非要唱上十次不可。
丹尼仔回答：「你又会咁好记性嘅。冇错我系好钟意「早晨」，到依家一样咁喜欢，成日唱住，咁我仲有权欣赏其他歌嘅。」
「好似RAIDAS的歌？」
「系嘞！」他表示：「以乐坛依家新人嚟讲，我比较欣赏佢哋嘅歌路，佢哋胜在大众化，另外，形象健康，歌曲又容易上口。」
丹尼仔谓歌曲容易记入脑是好重要，因为乐迷一听便明白，自然好快会哼两句，加速其流行程度。
他说：「所以会发觉我同阿Lam的歌好少有人响酒廊唱，佢个的要猛嗌，我的呢就好似「我的故事」咁，开头根本完全冇音，边有人敢唱喎。」
记得丹尼仔讲过最钟情「我的故事」这首歌，亦好有把握它会入劲歌金曲总季选，不料它却落败了。
「今次，你呢首歌唔入，有冇失望感？」
丹尼仔都算老实：「都有小小，不过谂真的自己钟意啫，唔一定代表所有人都系，冇所谓啦，只是佢响我心目中有地位就得嘞！」
这正好显示了丹尼仔的自我。
为关心丹尼的读者向他打听一下近况，丹尼答：「练歌练气之类啦，演唱会好快就到，想松懈都唔得。」
丹尼仔的个人演唱会在四月一日愚人节开始，距离现在尚有一个多月，正是筹备工作最紧张的时候。
「我有信心以最佳状态做到最好，呢个亦都系我八八年嘅心愿。」他以肯定的语气说出上面一句话。
其次丹尼仔希望拍一部好戏，真真正正有得发挥才算他心目中的好戏。
他这样说：「我承认『秋天的童话』系我遇到之中最好嘅一个剧本，但系我只系陪衬，任何人提起只会记得发仔阿红嘅船头尺和十三妹，根本冇人会记得我，我唔要再做陪衬品。」
文字录入：酷爱紫