陳百強受佛法渡化
談擇偶要一見鍾情
很多人都說陳百強最近似乎轉了性，變得開朗而開心，更難得的是肯主動找朋友，這一點連阿B都感到詫異，與以往只有人家找他才出現完全是兩回事。而且精神煥發，充滿了信心。
「點解會突然有咁大改變嘅呢？」禁不住問他。「有一次，有個朋友俾咗一本佛經我睇，我睇咗之後，對人生觀與一切都有咗新嘅睇法，好似開咗*咁，自己都覺得無論做人同做事，都積極咗好多。真想不到，陳百強有如此大轉變，原來是看了一本佛徑，被佛法所陶薰。
「咁你而家唔係好迷信？」「我唔會迷信，但係我好相信命運，我覺得冥冥中，人生嘅一切，都好似早就安排好咁。」「你去算過命? 」「好耐以前算過囉，我覺得好啱。」「有冇話你幾時結婚？」「有！話我三十八歲結婚，太太係一個賢妻良母型嘅女人，仲會同我生兩個仔添。」陳百強對將來充滿憧憬。
「咁你有咗拖友未?你擇偶嘅條件又點呀？」「仲有六年，駛乜咁急，我一樣希望對方有一頭長長嘅秀髮，不過，唔駛好靚，亦唔駛好好身材，樣樣過得去就算，學認方面都唔駛大學畢業，只要有內涵，有修養就得囉。」「咁你仲唔快D搵個女朋友，拍吓拖，相互了解一下？」
「我鐘意一見鍾情，咁様較浪漫，而且，愛情嘅嘢，要來就來，唔駛慢慢培養嘅。」
资料提供：極猫
文字录入和校对：飞飞、挚爱百强陈