陳百強三度失戀
眼淚先後為朱玲玲張天愛孫泳恩流
（1980年10月5日出版明周）
「時代官仔」陳百强永遠是身光頸靚，頭髮滑净，這次見他更是彩色衣裳，「玉指」上扭紋花戒一環，「玉腕」女庄六角黃金Rolex 閃閃生輝，坐近些且有香風陣陣，讚嘆之餘，不禁想及平日種種傳聞，遂問之曰：
——追得上潮流——
「丹尼仔，聽人講過好似話你唔係幾喜歡女仔，對同性的男士却大有好感噃，係唔係？」
「冇的咁嘅事，的人造謠害我啫，香港地好多閒人，佢地好無聊，唔了解一個人又心存妒忌，就會亂講你，初時我好唔慣，好嬲，現在睇開好多咯，呢類謠言，當佢唔存在就算。」陳百强果然面赤赤「好嬲」的樣子，不過「好嬲」之時說話仍是那般地斯文，温柔。
「丹尼仔，不過以我現在見到你嘅樣子，如果唔問清楚亦難免有多少誤會，睇見你戴起女庄手戒指，身上傳出香氣，又眼大大够晒靚溜，的確幾嬌媚㗎！」
「千祈咪誤會，」陳百强手急急脫下他尾指的金戒作說明：「戴女庄錶女庄戒係最近歐洲男士慨新流行，巴黎羅馬好多男士現在都係咁樣嘅，我追得上潮流，香港好多人睇唔慣啫，而且我係單骨仔·手腕幼，帶女庄錶細細個，啱啱合襯，講到搽香水，我搽的係古龍水之馬，我時時遇到的男人都香噴噴嘅，相信好多結咗婚嘅男人都係搽香水嘅啦，所以千萬别以爲我是心理有問題，故意喜歡作女人打扮才好。」
「好難講，我地唔係周時去歐洲之人，唔知道潮流已經進步到男人搶女人鏡頭嘅地步，所以亦難怪有人誤會嘅。喂，丹尼仔，你同張國榮佢地幾個青春男歌手時常落的士高玩，聽講的士高裏面周不時有的鍾意男仔嘅男人出現，佢地試過對你有這一類美麗温馨嘅誤會嗎？」
「直頭有到極啦，好肉酸好難頂概，不過好在都見到慣晒，我地落的士高玩又時常有陳欣健這個手瓜起脈的人保護，所以都能够應付過去，冇乜麻煩。」
「但地㸃對你噃？講眞的，我好想知道眞實情形係㸃樣嘅？一坐埋身邊就摸手摸脚摸…」
——鍾意成熟美——
陳百强好像怕聽「非禮之言」，急急答道：「你地唔落惯的士高人，估錯晒，佢地冇咁猖狂嘅，其實眞正同性戀的男士都係好斯文好有禮概，但地通常係走埋嚟，笑笑口咁問「我可唔可以請你飲杯酒呀？」我就多數答佢話對唔住，我唔識飲酒，跟住行開就算。有的就比較狂些少，走埋嚟請我一齊跳舞，間中拉下手觸摸下手臂都會有，我就一定話唔可以，因爲我唔會同男人一齊跳舞嘅，咁但地就會知趣唔再騷擾我嘅嘞。」
「其實你周時俾人咁誤會都唔係辦法不如多的追女仔，識番個好女朋友，每逢落的士高玩都同個美麗女友攬理一漏舊，咁就唔會引起個味嘢嘅男士誤會啦，可惜你又唔係，連傳說你追求雪梨、翁靜晶之類的青春靚女，你都一個個一單單否認晒。」
「唔係嘅事當然要老老實實否認呀馬，唔認追佢地幾個細路女，亦唔能够話我就一定唔鍾意女人嘅，」陳百强說：「我嘅個性係唔喜歡愛情長跑嘅，佢地只有十五、六歲，如果講心，起碼要講六、七年之後先至有結果乜都疲倦晒啦，而且我只鍾意成熟美概女性，佢地除咗有眞正女性嘅魅力，重令我有一種安全温暖感覺，老實講吖，我已經試過三次失戀嘅嘞，失戀嘅滋味，真係好難受，唔係宣傳唱片，我的的確確眞係爲愛情流過淚㗎！」
「小小年紀，已經三度失戀，咁又的確係幾傷嘅，想唔到你個心臟未動過手術就已經有咗三條大疤痕咯，唔怪得你唱失戀情歌咁有情感啦，係嘞，丹尼仔，横掂都向我坦白開咯，咁不如將三次失戀經過講埋俾我聽啦。」
——傾訴心中事——
「又好，我以前眞係未向人吐露過咁多心事嘅，」陳百强憂鬱地吞啖口水，整理一下戴得鬆泡泡的女庄「金勞」，畧作思維之狀後說：「三個令我失戀嘅女性，都係好有來頭㗎，第一個係朱玲玲，我地兩人係同月同日生，年紀又差唔多，我感覺到我地應該有緣份嘅，但又係我心儀嘅女子之中最年輕嘅一個，你知啦，Loletta Chu 雖然年輕，但係佢嗰一股成熟之美，眞係不可抗拒嘅。記得但當選港姐之後第一個生日會，就係我邀請但一齊開嘅，兩個同日生嘅人一齊開生日派對，幾咁浪漫美麗呢，唉，可惜不久之後但又話要嫁嘅人係姓霍，我地始終都係緣差一线，呢一次，係我第一趟覺得個心好痛而偷偷地流淚。」
「唔好傷心啦，Loletta Chu咁靚，一定有好多男士好似你咁偷偷地爲但出嫁而喊過嘅，所以你絕對唔會寂寞，好多人陪伴㗎，無謂講起嚟都悲成咁啦。」看見陳百强講起朱玲玲就成個想喊出嚟咁樣子，眞係驚但表情豐富過頭，淚珠兒奪眶而出咁就「該偎」，男人流淚，好難應付者也，於是立即又問他：「好嘞，咁第二單失戀，又係個？」
「Flora囉，今年香港小姐决賽夜替蕭芳芳跳芭蕾舞個個張天愛，又係令我愛慕到二十萬分嘅，」陳百强又展示他的「第二度悲哀」，說：「Flora係朱玲玲介紹我識啊，唉！美麗的女人就係最鍾意使男人傷心嘅動物，咁有韻味嘅Flora，又㸃能想像佢係咁早就嫁咗人嘅呢？我認爲靚人係唔應該早嫁嘅。初時，我時常約Flora去跳舞，後來先至知道但係有老公嘅，唉個一陣内心酸痛，眞係無法形容㗎，我咁細個，唔通去大閙三角狂戀咩，好難嘅，只好靜靜地退出啦。」
「好個静静地退出，不過我又知道一定有好多男人同你一樣，當曉得Flora有個可愛老公之後就靜靜地退出嘅，所以你亦無謂太内心酸痛咯。咁第三次失戀呢？邊個女人咁有陰功又令你個心被鎅一刀？」
——爲愛情傷心——
「但就係遠在天邊近在眼前嘅Elaine孫泳恩。」陳百强說他近日常和孫泳恩在一起，但係眼看手勿動，睇得唔愛得，他道：「孫泳恩係我所識嘅女人中最有味道最具風韻嘅一個，俾佢抱一抱眞係短兩年命都值得有餘，我知道但離咗婚，好開心，好高興我就固不時打電話約但出嚟食吓飯，跳吓舞，的確，我曾經好快樂過，唉，之不過冇老公嘅靚人，一樣會咁令人個心苦楚概。」
「當然啦，冇老公嘅靚人，就一定有朋友嘛，孫泳恩有個地産界有型士拍緊拖，你重矇查查鍾個頭埋去，抵你猛唱流淚歌啦！」
「我都唔算好曚嘅，」陳百强很「眼寃」的說：「衰在孫泳恩害我，個一排每逢有記者問佢有有男朋友但都話冇，段段有關佢嘅消息都係佢否認有固定男朋友嘅，我睇多就信以為眞囉，誰知後嚟Elaine同我講話「丹尼仔，我地都係唔好去咁多街咯，我個男朋友問我，你係唔係唔鍾意女人只鍾意男人個的人喎，我話有咁嘅事，丹尼仔好有男孩子魅力，我男友就話如果係咁，我就唔適宜同你多見面嘞，雖然我好似你阿姊，但係既然你係有男子漢味道嘅人，日久相處難免會發生感情嘅，都係早的止步好。」
Elaine咁講，我先至知道佢否認有男朋友係講大話，呃人嘅，但係被佢所呃嘅人當中，我係最不幸嘅一個。」
咁以後你同孫泳恩就再冇見面嘞噃？」
「香港咁細，我又唱歌拍戲，㸃可以唔見到面噃，表面上Elaine重作足狀同我鬼咁親熱添，但每逢咁我個心就嗱住痛，相信的咁嘅情形，要我情感上有咗眞正寄負之後先至會消失。冇辦法啦，香港地為愛情而傷心嘅男人比女人多得多，但好似我咁就好少，因爲係公衆活動嘅歌星演員，經常被迫見到令我心碎概女人，内心所受衝擊一次又一次，如果唔堅强嘅話好易就精神分裂㗎，但係孫泳恩話咁對我重好，可以鍛練得我能够控制自我感情，能够逐漸成熟喎。」陳百强續道：
「我好多謝佢，而且我亦相信，經過呢三次經歷之後，以後遇到成熟韻味令我心儀嘅靚人，我絕對唔會咁易就心弦震盪矇查查又跳落泥潭嘅嘞。」
「咁就即係唱<不再流淚>啦？」
「哈，你同我宣傳的舊歌做乜播，我隻新碟就快出啦，講吓我的新歌唔係重好……」
「咪搞，借機宣傳，老編閙㗎，拜拜啦。」難得他誤入本記「打情感波」的陷阱，說了這一大番心酸心苦的心裏話，本記已有得交差，此際不走，更待何時？請呀
资料来源：FB马高