●DMI於 日前正式宣佈成立，首張頭炮唱片便是陳百強嘅[凝望]大碟，為慶祝創業，DMI特印製三千八百張陳百強創業紀念版大碟，附有編號及Danny仔親筆簽名，手快響唱片鋪都會揾到，點解係三千八百張呢？無他，取其意啫。呢張紀念版頭一張0001號已為潘迪生所擁有，DMI董事兼總經理馮添枝則擁有0002號、Danny仔自己則要0003號、佢位經理人陳家英則要0008號，你個張又係幾多號呢？

        ●陳百強新唱片並未響唱膠玩特別花款，黑膠好音色，只落重本響D相到，雙封套式唱片封套，D相靚到暈，色彩全部噴上去，好有藝術味道。遲D  Danny 再出張十二吋Single至整張顏色膠都未遲。而Danny個演唱會已決定十二月六、七日響紅磡香港體育館開兩場，[陳百強，86前進演唱會]已經接受郵購訂票，票價分一百八十元、一百五十元、一百二十元、八十元及五十元不等。

        ●陳百強兩年以來再開演唱會，身為經理人及Concert監製陳家瑛好緊張，由於Danny仔本身好叻跳舞、唱歌來表達，當然好多靚衫睇，可能係個Fashion Concert都唔定。Danny為呢個演唱會，已經開始每日游一個鍾頭水，且不斷用腦諗嘢嚟Keep Fit ，佢話用腦多D，人便會瘦D，係佢至諗得出啫。


圖1 潘迪生的野心可真不小，搞起演唱會來，頭炮就是陳百強，看潘迪生是否有翻手為雲的本事吧！
圖2 後面那張海報比他真人還要俊俏，陳百強當知形象設計的重要了。

（感谢文字錄入 by Pandy）